15／6
我們坐8：00 車，懷着依依不捨的心情離開克羅地亞Rovinj！向斯洛文尼亞進發！
過境時，全車只得我倆要比闗員拿走passport stamping. 都好，儲多個chop. 。
Piran 是斯國的最西面的一個小鎮。
到Piran後，第一個景點係去鹽田，旅遊中心話有架巴士到門口落，不過疏d,
上車已同司機講到的話叫我們下車，到見到鹽田門口個站時，佢話唔係，唔比我地下車，當去到好遠時，發覺唔對路，再問之下，佢表情話我知佢攪錯，結果佢在回程時又依依哦哦甘放左我地在克羅地亞和斯洛文尼亞的邊境，真係老點。
我地當然好無肋，幸好，邊境人員見到我地就話："I remember you, you come from hong kong!"。跟着就教我們行去鹽田另一個入口，位於兩國邊境中間，入到去，原來此入口已荒廢！！點算，點返去。
鹽田
真係好彩，碰上了一對德國夫婦又係遊田，他們話可車我地到正門入口，結果同一日經過邉境3次。
到正門，正想比$$入場之際，職員話鹽田因早幾日大雨停工，所以無salt production. 唯有在附近影幾張就走。
下午回到Piran, 今日真係好熱，無40度都有38度，要不停食雪糕。
再在市內閒遊。
呢個係要上城牆睇的靚景，但真係熱到我地c c下。
再到海邉行，唔知係咪今日好熱，好近食市的海邊也有好多人在天體暢泳。嚇到我地唔敢四圍望。
今日的酒店好方便，就在廣場同海邊附近。
今晚我地選擇了海邉的餐廳食dinner同欣賞日落， 相當好味。
再拍幾張日落
明天離開Piran 去鍾乳石洞。
東南歐- 巴爾幹半島之旅 {序} , Day 1 , Day 2, Day3, Day 4, Day5, Day6, Day7-8, Day 9, Day 10-11, Day 11-12, Day 12
留言列表
